الفرق بين تسويق آبل للتليفون أيفون ٨ و أيفون x و تسويق بروكتر اند جاميل لتأيد و ايريال

الصورة دي اتصورت من أمام متجر بيع منتجات آبل في اليوم الأول لطرح موبايل آبل الجديد آيفون 8 بالأسواق بعد أسابيع قليلة من المؤتمر الصحفي اللي أعلنت فيه آبل عن طرح طرازين من موبايلها بعنوان أيفون 8 وآيفون X. نفس الصورة دي طول 10 سنين كانت بتتضمن لطوابير لناس راغبين في الشراء كانت بتمتد لمئات الأمتار ولساعات طويلة لأيام عديدة.

يوم المؤتمر الصحفي لآبل لما سمعت عن المؤتمر الصحفي والخواص والتفاصيل السعرية للإصدارين أبديت اندهاشي من اعلان آبل عن منتجين في رأيي منافسين لبعض في نفس المؤتمر الصحفي وقلت انه علميا ومنطقيا اللي بيحصل ده غلط.

عادة الشركات اللي بتبيع منتجات متماثلة لازم يكون عندها استراتيجية multi branding واضحة تقدر تستغل فيها خبراتها الانتاجية والبيعية علشان تقدر تستنسخ من تقنياتها وخبراتها ومنتجاتها نسخ مختلفة من نفس المنتج تخاطب بها "شرايح" مختلفة من المستخدمين لكن من غير ما تنافس بعض. أكتر شركات شاطرين في الموضوع ده شركات زي P&G أو يونيليفر. لو بصينا حنلاقي شركة P&G في المنظفات عاملة براند اسمه أريال وبراند تاني اسمه تايد كل واحد له شريحة عملاء مستهدفة وفئة سعرية مختلفة وحملات تسويق منفصلة كأنهم منافسين لبعض لكن فعليا هما مش منافسين. حتلاقي شركة زي يونيلفر عندها صابون "لايف بوي" وفي نفس الوقت عندها صابون "دوف" وكمان عندهم صابون "لوكس". صابون "لايف بوي" بيلعب على الناحية الصحية للأطفال وعلى القضاء على الميكروبات وبيخاطب الوالدين وأطفالهم والتاني (دوف) بيلعب على البشرة وبيخاطب المرأة والثالث بيشتغل على الرائحة العطرة الجميلة وعبير الزهور وبيخاطب الأسرة بصفة عامة.

في دي يحضرنا كلمة أحمد حلمي الشهيرة في فيلم "مطب صناعي" كل نفسك قبل ما حد تاني ياكلك".

آبل عملت ايه؟ في الوقت اللي الناس متشوقة تشوف الإصدار 8 من الآيفون وعاوزة تشوف الجديد، آبل نزلت الاصدار 8 بخواص أقرب لاصدار 7 وكمان نزلت معاه آيفون إكس بطفرة في المواصفات لأول مرة تظهرها. نتيجة لده الانبهار اللي مكنش متوقع نتيجة الفروقات الطفيفة بين الاصدارين تحول لتحقير من المستخدمين لاصدار 8 من قبل ما ينزل لما شافوا الفروقات الكبيرة بين الاتنين.

طيب ايه الفرق في السعر بين الاتنين؟ الفرق في السعر ما بين المنتجين في حدود 200 دولار. واحد ب 800 والثاني ب 1000 دولار. دي كانت الغلطة التانية من آبل. الموبايلين بيلعبوا تقريبا على نفس الشريحة من العملاء (بعكس P&G لما عملت فروقات في اريال وتايد زي ما قلت فوق علشان تفرق بين الشريحتين) اللي عنده استعداد يشتري ب 800 دولار قادر انه يشتري طفرة تكنولوجية كبيرة بين 8 و X ب 200 دولار فرق فقط.

ايه كمان؟ آبل عملت الفرق ما بين الاصدار 8 والاصدار X شهرين فقط. وبالتالي مكنش فيه فترة كافية تخلي اللي مستعجل على التحديث يشتري الاصدار 8 وبالتالي ممكن ينتظر الاصدار X. الشركات المصنعة للميموري كارت مثلا هل هما ميعرفوش يعملوا 32 جيجا على طول؟ هو قادر يعمل ده بسهولة لكن لازم يجزأ 2 و4و8و16 ويخلي فيه فارق زمني ما بين السعة الأخيرة واللي قبلها وده وبالتالي يقدر يبيع نفس المنتج عدة مرات بسعات مختلفة وده اللي معملتوش آبل. كان المفترض تعمل على الأقل فرق 6 شهور أو سنة بين الاصدارين.

النتيجة كانت ايه؟

انهارده كان أول يوم مبيعات لآيفون 8 ولو كلنا فاكرين صور الطوابير في النشرات الاخبارية والصحف والمجلات اللي كانت بتمتد لمئات الأمتار ولساعات طويلة في اليوم ده للاصدارات السابقة  انهارده الطوابير مازدتش طبقا لوكالات الأنباء عن 13 شخص فقط خارج متجر أبل في شارع ريجنت لما فتحت الأبواب، وقالت شبكة سكاي نيوز إن المشهد في نيويورك وفي متاجر أبل في جميع أنحاء العالم كانت قريبة أوي من الرقم ده.

التقارير كلها بتقول ان فيه تراجع في نسبة الطلب المسبق على "آيفون 8" و"8 بلس" في الأيام الخمسة الأولى بنسبة 78%، بالمقارنة بنفس الواقعة عند إطلاق "آيفون 7".

الحقيقة انا مجبتش التايهة يعني في اللي بأقوله فوق .. أنا مستغرب ازاي فريق تسويق في شركة زي آبل تغلط كل الغلطات دي مجتمعة.

في رأيي واللي اتعلمته لما اشتغلت في بيئات عمل بتبيع منتجات منافسة لبعضها ان في استراتيجيات المالتي براندنج لازم تلعب على (1) شرائح مختلفة اما بمنتجات مثيلة لكن بتخدم احتياجات مختلفة وبالتالي شرائح عملاء مختلفة عن طريق تغيير في مواصفات المنتج (ودي كانت ناجحة فيه نوكيا زمان وسامسونج دلوقتي بشكل كبير جدا) او (2) تصنيع منتجات تكميلية بتخدم نفس الشريحة تخلي اللي اشترى منتج محتاج يكمل باقي اجزائه لاستخدام او استعمال اعلى (بلي ستيشن والكاميرا بتاعته وال VR بتاعه....الخ).

ده محصلش هنا. آبل نزلت جهاز تقريبا مماثل في شكل ومواصفات الاصدارين اللي قبله ٦ و ٧ مع بعض التحسينات الطفيفة في الوقت اللي بتعلن فيه عن تحول استراتيجي في المنتج وفي نفس زمن طرح المنتج القديم. يعني حرقت المنتج قبل ما يبدأ. في صناعة السيارات مثلا الشركات لما بتغير شكل العربية بعد كام سنة بتخبي لغاية آخر لحظة ان شكل السيارة حيتغير علشان تحافظ على مبيعات السنة الأخيرة.  هتا آبل بتقول اشتري آيفون ٨ بسعر أقل ٢٠٠ دولار وبعدها بشهر حيكون موبايلك موضة قديمة مش حتعرف تتباهى به (مع العلم ان جزء من نجاح آبل هو اللعب على مشاعر التفرد والعظمة والأنا عند مستخدميها من الشكل الموحد والنغمة التقليدية المميزة عند الاتصال اللي بيتعرف بها بمجرد النظر أو السمع ان حامل الموبايل ده معاه جهاز آيفون). 

طيب كان ايه الحل الافضل؟ الحل الافضل من وجهة نظري انهم كانوا طرحوا مع X موديل 7s بدلا من 8 بسعر مخفض وبكده كانوا جذبوا شريحة مختلفة خالص عن X وحققوا بيها مبيعات اضافية ضخمة من شريحة جديدة للناس اللي مقدرتس تشتري ٧ وفي نفس الوقت حافظت على الشريحة اللي معاها 7 حاليا وحتروح على طول على آيفون  x بمجرد ما ينزل السوق وساعتها كان ممكن تنزل المنتجين (7s و X) في نفس الوقت وتعلن عنهم في نفس المؤتمر الصحفي.

اللي انا أتوقعه ان آبل حتقوم بتأجيل طرح آيفون X اللي منتظر طرحه في نهاية أكتوبر القادم لأي سبب من الأسباب لانقاذ الموقف وبرضه من المنتظر ان آيفون 8 حيكون أقل الاصدارات مبيعا في رأيي والله أعلم.

منقول من صفحة روبابيكيا ماركيتينج على الفيس بوك 

#آبل #آيفون_8 #آيفون_إكس #آيفون_X #أيفون

#Apple #IPHONE8 #IPHONEX

درس جميل في الادارة في عدة سطور اقرأه من فضلك

رجل أعمال، المفروض يلقي خطاب لخريجين السنة الأخيرة في قسم الإدارة، بس ماكانش محضر أي خطاب، وقال للطلبة كل اللي أقدر أقولهولكوا إني هفيدكوا في الخمس دقايق الجايين، بس تساعدوني!

وسأل "مين مستعد للمساعدة؟"

البعض بس رفعوا إيديهم، والباقيين مترددين!

علّق رجل الأعمال بأول كلمة سر، #التراخي والتردد.

 بعدها خرّج الراجل شيك من جيبه، وقال مستعد يدي الشيك ده، لأكتر شخص هيرفع إيده لأعلى نقطة.

بدأ الكل يرفع إيده، وهنا قال رجل الأعمال، كلمة السر التانية #التحفيز.

الكل بدأ يبص على بعضه، وواحد منهم قرر يقف فوق الكرسي، وبقى أعلى من كل المنافسين.

وظهرت كلمة السر التالتة #الإبداع.

بعدها بدأ الكل، يطبّق نفس النظرية، ويقفوا ع الكراسي، لكن صاحب الكرسي الأول ماسكتش، وقرر يحط كرسي، فوق الكرسي، ومن هنا يظهر السر الرابع #التحسين_المستمر.

بدأت المنافسة تزيد، لحد ما الموضوع اتحول لتحالفات، وكل فريق بدأ يتعاون، عشان يصنع أكبر برج،ويوصل لأطول نقطة، وهنا ظهر مفهوم #العمل_الجماعي.

لما تقاربت المستويات، بدأ قائد كل فريق، يعيد ترتيب فريقه بشكل منظم، بحيث يقدر يستوعب ناس أكتر ويوصل لنقطة أعلى، وهنا يظهر المفهوم الأعم والأشمل #القيادة.

ببساطة، القيادة كلها تكمن في الأسرار دي، التراخي بيضيع الفرص، التحفيزبأنواعه هو اللي بيشحن الفريق، السبيل الوحيد للتميزهوالإبداع، لكن مستحيل تفضل في القمة، إلا بالتحسين المستمر، وفي الآخر أفضل وسيلة للنجاح هي العمل الجماعي! وكل ده مش ممكن يتم من غير #قائد_جيد.

Cpd

منقول عن صفحة الدكتور عبد الرؤوف عن شخص آخر مجهول بالنسبة لي على الأقل 

بعض نصائح الكاتب الأمريكي جاكسون براون لابنه

جاكسون براون هو كاتب امريكي ولد عام ١٩٤٠ يتميز بكتاباته الملهمة و كتبه التي تلقى رواجا كبيرا في كل أنحاء العالم 

وبعض نصائح جاكسون براون لابنه  التي ننشرها هنا لانها تنفع الجميع و في مجال الأعمال و خارج مجال الأعمال :

منقول للأهمية

1- ابتعد عن التدخين

2- اختر زوجتك بعناية لانها مسئولة عن ٩٠٪ من سعادتك أوتعاستك .

3- لا تشتري الأدوات الرخيصه

4- تقبل أطفالك كما هم و ليس كما تريدهم انت 

5- لا تضيع الوقت في الرد على منتقديك

6- لا تثق في اي سياسي 

7- لا تترك عملك قبل ان تؤمن غيره 

8- عندما تستعير سيارة صديق املأ الوقود قبل اعادتها

9- لا تدع الهاتف يقطع اللحظات الجميله من حياتك إنما وجد لراحتك لا لراحة المتصل

10-لا تدفع لأحد اجره قبل ان يتم عمله 

11- لا تناقش امورك الماديه مع من يملك اكثر بكثير عنك او اقل بكثير عنك 

12-احذر قبل اقراضك المال لأصدقائك فقد تخسر الاثنين 

13-لا تسأل عن قيمة الراتب الشهري لمحدثك 

14-عندما تريد شراء منزل تذكر ٣ أشياء هامه : الموقع الموقع الموقع 

15- عندما تجد الوظيفة الملائمه لطموحك وأحلامك اقبل بها مهما كان الراتب فأن قمت بما يجب يأتي الراتب الذي تريد لاحقاً

16-لا تثق بذاكرتك ، اكتب كل شئ على الورق

17- ليكن عقابك ملائماً للفعل الذي اقترفه أطفالك 

18- لا تقرض المال الا لمن تثق انه سوف يعيده دون ان تطالبه به 

19-الجميع يحب المدح فلا تبخل به على احد 

20- تذكر ان السعر المناسب ليس ماهو مكتوب على السلعه بل ما هو مناسب لميزانيتك

21- لا تتغاضى عن اي سلوك خاطئ من أطفالك فهم مسئوليتك 

22- في الخلافات ، تذكر ما ان تفقد أخلاقك في التحدث والنقاش فقد فقدت حقوقك 

23- انشر علمك ، وعلم الناس من حولك .. فهذه الطريقة الوحيدة للخلود 

24- لا تفصح عن معلوماتك الشخصيه والمالية الا اذا كان من الضروره القيام بذلك 

25- عندما تسمع مدحاً لصديق تعرفه ، اخبره بذلك 

26- لا تتأخر في نومك ان كنت تحرص على يومك 

27- لكي تحرج شخصاً اساء لك قم بعمل جيد مع اطفاله 

28- تزوج مِن مَن هو في مستواك الاقتصادي والاجتماعي او اقل بقليل 

29- اذا استعرت شيأ أكثر من مرتين فقم بشرائه

30- قف عندما يدخل شخصا اكبر منك الغرفة التي انت فيها 

31- عندما يصمت الجميع خجلاً قم وعبر عن رأيك 

32- امشي يومياً نصف ساعه 

33- لتكن ساعتك مبكرة خمس دقائق عن الوقت الحقيقي 

34-كن طبيعياً وابتعد عن التصنع 

35- دع عنك النقاش في تفاهة الامور 

36- اترك أثراً طيباً أينما حللت ...

 - اكتب اكثر نصيحة فضلتها -

جاكسون براون الإبن هو كاتب أمريكي مشهور بكتابه كتيب إرشادات الحياة الذي كان أفضل الكتب مبيعا في صحيفة نيو يورك تايمز